This song was written by sree Rayaprolu Subba rao garu. Very good to learn byheart and sing it on some occassion.
శ్రీలు పొంగిన జీవ గడ్డయి
-శ్రీ రాయప్రోలు సుబ్బారావు
శ్రీలు పొంగిన జీవ గడ్డయి
పాలు పారిన భాగ్య సీమయి
వ్రాలినది యీ భరతఖండము
భక్తి పాడర తమ్ముడా !
వేద శాఖలు వెలసెనిచ్చట
ఆది కావ్యము బలరె నిచ్చట
బాదరాయణ పరమఋషులకు
పాదు సుమ్మిది చెల్లెలా !
విపిన బంధుర వృక్షవాటిక
ఉపనిషన్మదు వొలికెనిచ్చట
విపుల తత్వము విస్తరించిన
విమల తలమిది తమ్ముడా!
పాండవేయుల పదనుకత్తుల
మండిమెరసిన మహితరణ కధ
పండగల చిక్కని తెలుంగుల
కలిపి పాడవె చెల్లెలా !
దేశగర్వము దీప్తి చెందగ
దేశచరితము తేజరిల్లగ
దేశమరసిన ధీర పురుషుల
తెలిసి పాడర తమ్ముడా !
లోకమంతకు కాక బెట్టిన
కాకతీయుల కదనపాండితి
చీకిపోవని చేవపదముల
చేర్చి పాడవె చెల్లెలా !
తుంగభద్రా భంగములతో
బొంగి నింగిని బొడిచి త్రిళ్ళీ
భంగపడని తెలుంగునాధుల
పాట పాడర తమ్ముడా !
మేలి కిన్నెర మేళవించీ
రాలు గరగగ రాగమెత్తి
పాలతీయని బాలభారత
పధము పాడవె చెల్లెలా !
No comments:
Post a Comment